|
Nyi jɔ PCB yi kɔ esewatɔwo kɔ̀ da gbe ɔ ? PCB yi kɔ esewatɔwo kɔ̀ gbe keŋ nɔ ablɔɖe koɖo vovo a va nɔ edɔwatɔ, koɖo jukɔnwo politiki va egaji le Benɛ. Mi yi kɔ akɔdagbe a fun ahwa koɖo ese gbangban, susu xlwe nɔ amɛ koɖo enuvɔn sɔ ke amɛ ci i fyi ejuho ci jì ega ɖuɖu nɔ nyinɔnɔ do le Benɛ. Ci mì wa haju nɔ politiki Benɛ tɔ kpɔ ɔ, kpɔli ci jete de nyɔ o. |
|
Mì xɔ ablɔɖe é wa exwe ka ho wo-ho atɔn (55) ì wa renuvo na exwe ewi vɔn atɔn gan mìwo ju gbe kpɔtɔ ɖu kɔ Flanse ho: emɔ̀ cù do dɔwaxu gangan hun hun; agbledetɔ koɖo owo jinuku hɛn yi togodu; togodu nuwo hɛn va jumɛ wo veve ɔ ho, flansegbe koɖo flansewo nu wanawo kɛɖe i axɔsu jeshi. Ejukplɔkplɔ lɔ kpɔtɔ nyi flafi, eto wloɖu, susu xwle nɔ amɛ gaɖuɖu. Ega ciwo kplɔ nɔnɔ do so hwenɔnu ɔ, flanseju, glɛsinju, amerikajuwo yi wo wa kɔ edɔ nɔ. Étó ma dɔn nɔ amɛ, eju cimɛ emɔ̀ le nɔ enuvɔnwo pleŋ yi ò da nu do wo nu kpɔ gbeɖe o. Mìwo xwegbewo koɖo mìwo kɔtanuwo, mìwo nuwanawo va trɔ enu gbali alo munumumu nuwo. Enu ciwo to le wana hunnɔ mɛ wo nyi: wema ma se amɛ sugbɔ tɔ, ŋsɛn ma do lanmɛ nɔ axɔsudɔwatɔwo, edɔ ma kpɔ a wa alo gbate sɔsɔ va twin ɖɛ nɔ ɖajɛwo, aya ɖuɖu, edɔ̀ baɖa lele koɖo shive wo gbanbli amɛ pleŋ. Mɛciwo kplɔ eju lɔ so renuvo hwenu va tɔ nunu egbɛ cɛ mɔ gacivi yewo sɔ tɛn eju dɔkunnuwo ɖu sa, vɔ yayi Boni yɛ ɔ, agbli gangan tɔ́ yɛ yɛ va sɔ tɛn dɔkunnu Benɛ tɔwo ɖu kɔ egbɛ. Enuwo pleŋ va nyi ahizi le eju lɔ mɛ : emɔ̀ dodo, suklu xɔ alo dotoxwe xɔwo cucu koɖo amɛ xɔxɔ do edɔmɛ nyi kpɔwɛ. Mɛci nya enu a wa wo ɔ, ó gbe mɔ ó da sɔ edɔ jo nɔ wo o. Esewatɔ sugbɔ nyi mɛciwo gakpa le ete kpɔ i wo shi va yi be do esewaxu keŋ a kpɔ emɔ̀ nɔ ese a sɔ alɔ cɔn wo, hwenɔnu ɔ, wo da gbe va ɖo egbe bu ɖe nɔ eju lɔ so owo nuvwinwo nu o. Nɔ esewatɔwo a va sɔ ese ci a nu do dɔwatɔ koɖo jukɔnwo nyɔ nu ɔ, ese ci hanwo a zin wo ji wo sɔ nɔ. A sɔ mɔŋje mɛ ɔ, esewatɔwo ɖe ese ti mɔ mɛci a nyi kɔnxwimɛ ga ɖo a nyi wemasetɔ do flansegbe mɛ. Akɔ dada gamɛ va nyi hwecinu wo zan nɔ ejuho ci wo fyi ɖɛwo a sɔ xwle susu nɔ juviwo keŋ a dín a yi élé lɔ. Wana hunnɔ mɛciwo kplɔ kɔ eju lɔ tɛgbɛwo wa nɔ. A han i wo klɔ eju lɔ do so exwe nabi ɖe nɛ. Mì yi kɔ esewatɔwo kɔ gbe keŋ a gu ejukplɔkplɔ wana hunnɔ a sɔ wana yoyu bu nɔ eju kplɔkplɔ lɔ. Nyi wana yoyu lɔ drɔ a wa ɔ ? Ese ciwo ejunuxuxogbɛ lɔ sɔ ɖote nɔ BENƐ JU ŋkɔ yiyi wo ke. 1.a-Ese ci a ègbè mɔ esewatɔ ɖé da gbe to le ejunuxuxogbɛ yitɔ mɛ a gbè yi ebu mɛ hwenu é nyi esewatɔ o. b-Ese ci a ègbè mɔ o da gbe cɔn alɔ etoga ci wa afɛn zan democlasi sewo. c- Ese ci a ègbè nɔ ejuvyi ci ji kɔ a ɖu etoga, kɔkpliga, alo a nyi esewato da ɖo wema ci a dasɛ mɔ yɛ gbe nyi ejubu mɛ vyi o. d-Ese ci a na i esewatɔwo a do ówo xwè gbewo le esewaxu. 2. a-Ese ci a na óa ɖo kojo ɖoxu ɖɛ nɔ mɛciwo fyi kɔ eju howo. b-Ese cia gbè mɔ ó da sa eju dɔwaxu cɛwo o: pɔr mɛ, jɔmɛhun jexu, ekatete tɔxu, eshi, ezotɔxu, nyigba mɛ dɔkunwo, gakpo mɔ́wo. c-Ese ci a na ègbè acɛkpakpa ɖekpokpwi a sɔ nɔ eju dɔ ɖekpokpwi na nɔ ajɔwatɔgan Benɛ tɔwo keŋ gbɔxwé nɔ é va glo ɔ, a yɔ eju godu tɔwo. d-Ese ci a na ègbè mɔ gbɔxwe mɛdro ɖe a hun ajɔxwegan ɖe do Benɛ ɔ, ajɔwatɔgan Benɛ tɔwo ɖo a na ajɔho domɛ nɔ é xwe ɔ, i ya nyi amɛgban le kave ho wi ji (30%). e-Ese ci a na ègbè nɔ óa hun banki axɔsutɔ ɖeka ci a do nɔ eho ajɔwatɔ ɖekpokpwi, alɔnudɔwatɔ koɖo agbledetɔwo ehovyi sugbɔ ma xɔ nɔ ówo ŋkɔ yiyi. 3. a-Ese ci a na acɛ axɔsudɔwatɔwo a da akɔ a sɔ ówo ga a gbe ɖi swi hwecinu é wa afɛn. b-Ese ci a gbé axɔsudɔwatɔwo mama do alɔkpa evo evo keŋ a bɔ wo do ese ɖeka ji c-Ese ci a na ègbè óa wa wemawo do axwegbewo mɛ le kɔkpligandɔwaxuwo. d-Ese yoyu bu ci a na acɛ kɔxwimɛ ga nɔ yɛ a xo nɔ i jumɛ nuxuwo, ese yoyulɔ a ma ekanwo do ówo jɔxuwo nu. 4. a-Ese ci a na ègbè kojodɔtɔganwo nɔ ówo a da akɔ nɔ mɛciwo a nɔ̀ ówo bɔbɔgan ŋkɔ. b- Ese ci a na ègbè nɔ óa do miwo xwe gbewo a sɔ ɖo kojo le kojoɖoxuwo. 5.a- Ese ci a na ègbè nɔ óa zan axwegbewo le sukluwo keŋ a gu nuvo ploglamu. b- Ese ci a na ègbè mɔ é le dandanmɛ nɔ ɖevyiwo a tɔ suklu eho ɖe ma cu so hwɛhwɛ mɛ sɔ hɛn yi exwe 16. c- Ese ci a na ègbè nɔ wema kplakpla koɖo edɔ kplakpla a zɔn do ju le sukluwo. d- Ese ci a na ègbè nɔ axɔsu a cu axwe ɖeka ci mɛ sukluvyi ciwo nya enu le sukluwo a yi nɔnɔ i axɔsu a wa nɔ enu pleŋ nɔ ówo. e- Ese ci a na ègbè nɔ óa hun enugemɛ jijixwe ɖeka nɔ mɛci ji nɔ enu gemɛ kpɔ so egbewo nu, siansi nu koɖo ɖaŋɖoɖo wo nu, mɛciwo mɛ amawatɔ totomɛ ɖeka a nɔ. 6.a- Ese ci a na ègbè nɔ agbledetɔwo a de eha bɔbɔgble nɔ óa kpɔnɔ alɔdo le axɔsu gbɔ. b- Ese ci a trɔ nɔnɔmɛ nɔ agblenyigban koɖo axwenyigba nyɔwo nɔ nyigban kojo a ɖe kpɔtɔ. c- Ese ci a dre lehan ejugodu tɔ a xwle nyigban do le Benɛ. d- Ese ci a na ègbè nɔ axɔsu a lebu do kutu, bafo, ètè, ayu gblewo shigbe ɖeci gblewo tɔ han nɛ. 7.a- Ese ci a jeshi kojo ɖoxu axwenugawo, bokɔnɔ, hunnɔ wotɔ shigbe axɔsu tɔ han nɛ. b- Ese ci a na acɛ dɛnnudɔwatɔwo nɔ óa fɔn nɔ egu a byɔ nɔ ówo nu ciwo ci axɔsu lɔmɛ. 8.a- Ese ci a na nɔ axɔsu a jeshi efyɔ, hunnɔ, amawatɔ koɖo bokɔnɔ wo ɖɛ keŋ a gbe cù nɔ efɛn nɔ wo do ówo dɔ wawa wo ta. 9.a- Ese ci a na ègbè alɔnudɔwatɔwo nɔ wo a bɔ a hun edɔwaxu keŋ a kpɔ alɔdu nɔ ówo maciniwo xwlexwle ehovi sugbɔ ma cù. art similaires Langues et Littérature Africaines : En peu de Mots, OBQ a Tout Dit !François Hollande Prononcera un Discours à l’ONU en Wolof !! |
Commentaires